नेपाल पत्रकार महासंघ मधेश प्रदेश समिति अध्यक्षमा तीन जनाले मनोनयन दर्ता गराएका छन् । आसन्न मंसिर २८ गते हुने निर्वाचनमा सोमबार सप्तरीका अबधेश कुमार झासहित ३ जनाले मनोनयन दर्ता गराएका हुन् । प्रेस मञ्च नेपालका महासचिव समेत रहेका झाले प्रेस मञ्च नेपाल, प्रेस सेन्टर र समाजवादी प्रेस संगठनको संयुक्त गठबन्धनबाट उम्मेदवारी दिएको प्रेस मञ्च नेपाल सप्तरीका अध्यक्ष भूषण कुमार सिंहले जानकारी दिएका छन । यसैगरी नेपाल प्रेस युनियन र प्रेस चौतारीको संयुक्त गठबन्धनबाट श्याम बन्जारा र नबलकिशोर यादवले स्वतन्त्र उम्मेदवारी दिएका हुन् ।
यसैगरी खुल्ला उपाध्यक्षमा समाजवादी प्रेस संगठनकी केन्द्रीय सदस्य समेत रहेका सप्तरीकी अम्बिका दाहालले मञ्च, सेन्टर र समाजवादी प्रेस संगठनको संयुक्त गठबन्धनबाट उम्मेदवारी दर्ता गराएकी छिन भने उपेन्द्र कुमार यादव,जयनारायण प्रसाद यादव, विश्वनाथ ठाकुर सहित ४ जनाले उम्मेदवारी दिएका छन् । यसैगरी १ महिला उपाध्यक्ष पदका लागि मञ्च, सेन्टर र समाजवादी प्रेस संगठनको संयुक्त गठबन्धनबाट प्रेस सेन्टरकी हेम कुमारी बरालले उम्मेदवारी दिएकी छिन् भने रिंकु कुमारी दास र ज्वोती झा गरि ३ जनाको उम्मेदवारी परेको हो ।
