धनुषाको गणेशमान चारथान नगरपालिकाको बरमझियास्थित एक विद्यालयमा कार्यरत रहेका एक शिक्षको अध्यापन अनुमतिपत्र नक्कली भेटिए पछि कैद र रकमको फैसला सुनाएको छ । स्थायी अध्यापन अनुमतिपत्र नक्कली भेटिएपछि विशेष अदालतले नक्कली शिक्षकको आरोपमा ब्रह्मदेव यादवलाई सजाय सुनाएको हो ।
ब्रह्मदेव यादवको हकमा विशेष अदालतले ६ महिना कैद र १० हजार रुपैयाँ जरिवाना हुने फैसला गरेको छ भने अख्तियार दुरुपयोग अनुसन्धान आयोगले यसै वर्ष २५ असारमा नक्कली प्रमाणपत्र शीर्षकमा मुद्दा दायर गरेको थियो । अदालतले सुनुवाइ गर्दै विशेषका न्यायाधीश खुसीप्रसाद थारू, रामबहादुर थापा र मुरारीबाबु श्रेष्ठको इजलासले ठहर हुने फैसला गरेको हो ।
आरोपित यादवले धनुषाको गणेशमान चारथान नगरपालिकाको बरमझिया स्थित एक विद्यालयमा ०६३ सालदेखि नक्कली लाइसेन्स पेस गरी राहत कोटामा नियुक्ति लिएका थिए । उजुरी परेपछि अख्तियारले छानबिन गरी मुद्दा दिएको हो ।
