अलेक्जान्डर मिट्रोभिकले ह्याट्रिक गरेको खेलमा अल हिलालले एएफसी च्याम्पियन्स लिगमा सहज जीत हासिल गरेको छ। सोमबार राति भएको खेलमा अल हिलालले इरानी क्लब इस्टे गलाल लाई ३ ० ले पराजित गरेको हो। अल हिलालका लागि अलेक्जान्डर मिट्रोभिकले ह्याट्रिक पूरा गरेका छन । उनले खेलको १५, ३३ र ७४ औं मिनेटमा गोल गरेका थिए ।
यस्तै यस खेलमा ब्राजिलियन स्टर नेयमार मैदान फर्किएको साता दिनमै घाइते भएका छन्। नेयमार खेलको ५८औं मिनेटमा अब्दुल्लाह अल हम्दानको स्थानमा मैदान प्रवेश गरेका थिए। तर, घाइते भएपछि ८७औं मिनेटमा मैदानबाट बाहिरिएका हुन्।
नेयमार यसअघि च्याम्पियन लिगमै अल ताइ विरुद्ध नेयमारले एक वर्षपछि पुनरागमन गरेका थिए। पुनः सोमबार राति घुँडामा समस्या देखिएपछि नेयमारले विश्राम लिनुपर्ने भएको छ।
यो जीतसँगै अल हिलालले चार खेलमा १२ अंक हासिल गर्दै एएफसी च्याम्पियन्स लिगको शीर्ष स्थानमा रहेको छ भने त्यसैगरी इस्टेगलालको चार खेलमा तीन अंकसहित लिगमा सातौं स्थानमा रहेको हो ।
