आजदेखि मौसममा क्रमिक सुधार हुने जल तथा मौसम पूर्वानुमान महाशाखाले जनाएको छ । तीन दिनको मौसम पूर्वानुमान अनुसार आज दिउँसो देखि मौसम सुधार हुँदै जाने भएको हो ।
तीनवटा वायुको प्रणाली एकसाथ सक्रिय हुँदा अस्ति आइतवारदेखि शुरु भएको वर्षा हिजो पूर्वी, मध्य सहित पश्चिममा सक्रिय हुदा पश्चिम बङ्गाल आसपासमा बनेको न्यूनचापीय प्रणालीको प्रभाव घट्नुका साथै पश्चिमी र स्थानीय वायु कमजोर बनेपछि आजदेखि वर्षा रोकिने मौसम विद् रोजन लामिछानेले बताएका हुन ।
उनका अनुसार आज कोशी प्रदेश र अन्य पहाडी भागका एक दुई ठाउँमा हल्कादेखि मध्यम वर्षाको सम्भावना छ भने उच्च पहाडी तथा हिमाली भागका थोरै स्थानमा हिमपातको समेत सम्भावना रहेको हो ।
