स्पेनिस ला लिगामा लिग लिडर बार्सिलोना पराजित भएको छ । बार्सिलोनालाई आइतबार रियाल सोसि डाडले १ ० ले हराएको हो । एनोइटा रंगशालामा शेराल्डो बेकरले गरेको गोल घरेलु टिमको जितमा निर्णायक बन्न पुगेको हो । उनले ३३औँ मिनेटमा लुका सुचिकको पासलाई पोस्टको दिशा दिएर गोलमा परिणत गरेका थिए ।
खेलभर बार्सिलोनाले सोसि डाडको पोस्टमा एकपटक पनि प्रहार गर्न नसकेको हो । जारी सिजन बार्सिलोनाले विपक्षीको पोस्टमा एकपटक पनि प्रहार गर्न नसकेको यो पहिलो देल थियो । हारका बाबजुद बार्सिलोना १३ खेलबाट ३३ अंकका साथ शीर्ष स्थानमा कायमै रहेको छ ।
तर, यो हारले बार्सिलोनाले शीर्ष स्थानमा अग्रता फराकिलो बनाउने अवसर खेर फालेको हो । बार्सिलोनालाई पछ्याइरहेको रियाल मड्रिडले १२ खेलबाट २७ अंक जोडेको छ । सोसिडाड समान खेलबाट १८ अंकसहित तालिकाको आठौँ स्थानमा रहेको हो ।
