बाराको सिम्रौनगढ नगरपालिकाका निमित्त प्रमुख प्रशासकीय अधिकृत वीरेन्द्र प्रसाद साह ७८ हजार रुपियाँ घुससहित पक्राउ परेका छन् ।
अख्तियार दुरुपयोग अनुसन्धान आयोगका सहायक प्रवक्ता देवी प्रसाद थपलियाका अनुसार सेवाग्राहीहरुसँग घुस मागिरहेको भन्ने सूचनाका आधारमा हेटौँडा अख्तियारको टोलीले साहलाई घुस रकम लिइसकेको अवस्थामा उक्त रकमसहित कलैया उपमहानगरपालिका वडा नं ४ को कार्यालय जाने बाटोबाट बिहीबार पक्राउ गरेको हो । आयोगका अनुसार यस विषयमा थप अनुसन्धान भइरहेको जनाएका छन ।
