रोटरी क्लब अफ वीरगञ्जले पर्साको सखुवा प्रसौनी गाउँपालिका वडा नम्बर १ सिद्धपुरका दलित, अतिविपन्न परिवारलाई खाद्यन्न सामाग्री सहित माटोको दियो र लत्ताकपडा वितरण गरेको छ । रोटरी क्लबले सिद्धपुरका अतिविपन्न मुसहर, उर्राउ, कामी, दमाई र तामाङ्ग समुदायका ७५ जनालाई उक्त सामाग्री वितरण गरेको हो ।
आउन लागेको दीपावली तथा छठ पर्वका लागी उनीहरुलाई खाद्यन्न सामाग्री सहित दियो र लत्ताकपडा वितरण गरिएको रोटरी क्लब अफ वीरगञ्जका अध्यक्ष निर्मल खत्रीले बताएका छन । सिद्धपुर स्थित नेपाल राष्ट्रिय अधारभुत विद्यालयमा शुभकामना आदानप्रदान कार्यक्रमको आयोजना गरी उनीहरुलाई उक्त सामान वितरण गरिएको खत्रीले बताएका हुन ।
प्रति परिवार २ किलो चामल, २ किलो पिठो, १ किलो दाल, परिवारको संख्या हेरेर १ २ किलो मिठाई, खाने तेल साथै माटोको दियो र लत्ताकपडा वितरण गरिएको खाद्यन्न वितरण कार्यक्रममा सहभागी समाजिक अभियन्ता प्रकाश थारुले जानकारी दिएका छन ।
रोटरी क्लब अफ वीरगञ्जले हरेक वर्षको दीपावली तथा छठ पर्वमा ती दलित परिवारहरुलाई खाद्यन्न लगायत अन्य सहयोग सामाग्री वितरण गदै आएको छ ।
