सप्तरीको खडक नगरपालिका ७ कल्याणपुरमा आइतबार सर्पको टोकाइबाट एक बालिकाको मृत्यु भएको छ । स्थानीय रामस्वरुप मण्डलका ९ बर्षीय छोरी प्रियंका मण्डलको सर्पको टोकाइबाट मृत्यु भएको हो ।
शनिबार साँझ पूजा कोठामा धुप लगाउने क्रममा उनलाई सर्पले डसेपछी उपचारका लागि तत्कालै कल्याणपुर स्थित सर्पदंश उपचारका केन्द्रमा भर्ना गरिएको थियो । नेपाली सेना बरख गणद्धारा संचालित सर्पदंश उपचार केन्द्रमा रातभरी उपचार गरिए पनि बालिकाको अवस्था गम्भीर भएपछि सिरहाको चोहर्वा स्थित नेपाली सेनाद्वारा संचालित सर्पदंश उपचार केन्द्रमा रेफर गरिएको थियो ।
कल्याणपुर उपचार केन्द्रले आइतबार विहान रेफर गरी पठाएको छोरीको चोहर्वा लैजाने क्रममा बाटैमा ज्यान गएको मृतका बुवा रामस्वरुप मण्डलले बताएका छन । मृतक बालिकाको आइतबारै अन्त्यष्टी गरिएको परिवारजनले जनाएको हो ।
