बार्सिलोनाले बायर्न म्युनिखमाथि शानदार जित हासिल गरेको छ। युइएफए च्याम्पियन्स लिग अन्तर्गतको गए राति सम्पन्न खेलमा बार्सिलोनाले बायर्न म्युनिखलाई ४ १ गोल अन्तरले पराजित गरेको हो।
बार्सिलोनाको जितमा रफिन्हाले ह्याट्रिक गरेका थिए भने रोबेर्ट लेवानडोस्कीले एक गोल गरेका हुन । त्यस्तै बायर्न म्युनिखका लागि एक गोल ह्यारी केनले गरेका थिए।
यो जितपछि बार्सिलोनाको च्याम्पियन्स लिगमा ३ खेलमा ६ अङ्क सहित लिगको १०औँ स्थानमा रहेको हो। त्यस्तै बायर्न म्युनिखको ३ खेलमा ३ अङ्क सहित लिगमा २३ औ स्थानमा अवस्थित रहेको छ।
