बङ्गलादेशको अन्तरिम सरकारले अपदस्थ प्रधानमन्त्री शेख हसिनालाई भारतबाट फिर्ता ल्याउनका लागि इन्टरपोलको सहयोग लिने तयारी गरेको छ।
बीबीसीका अनुसार मुहम्मद युनुसको नेतृत्वमा रहेको बङ्गलादेशको अन्तरिम सरकारले हसिना सहित उनको पार्टीका अन्य फरार रहेका नेताहरूको खोजीका लागि ग्लोबल पुलिस एजेन्सी इन्टरपोल को सहयोग लिने भएको हो।
यसका लागि अन्तरिम सरकारले इन्टरपोलसँग ‘रेड कर्नर नोटिस’ अलर्ट जारी गर्नका लागि आग्रह गर्ने भएको छ।
बङ्गलादेशमा विद्यार्थीहरूको अगुवाईमा गत जुलाईदेखि अगस्टसम्म भएको विरोध प्रदर्शनको क्रममा ७ सयभन्दा बढीको मृत्यु भएको थियो ।
जुलाईदेखि अगस्टसम्म भएको विरोधमा प्रदर्शनकारीहरु माथि दमन गर्न हसिना र अवामी लीगका अन्य फरार नेताले नै आदेश दिएको आरोप लगाइएको हो ।
