मधेस प्रदेशका मुख्यमन्त्री सतिस सिंहले आश्रमहरूमा पुगेर तिहारको शुभकामना आदानप्रदान गरेका छन् । शुक्रबार उनले जनकपुरधामस्थित विभिन्न आश्रमहरूमा पुगेर तिहारको शुभकामना आदानप्रदान गरेका हुन् ।
मुख्यमन्त्रीको सचिवालयका अनुसार सिंहले जनकपुरधामको मानव सेवा आश्रम, कबीर बाल आ आश्रम र जानकी वृद्धा आश्रम पुगेर शुभकामना आदानप्रदान गरेका हुन् ।
तिहार उज्यालो तथा भाइचाराको पर्व रहेकाले आफन्तसँग रमाइलो गर्न नपाएकाहरूसँग खुसी साटासाट गर्न तीनवटै आश्रममा गएको मुख्यमन्त्री सिंह बताउँछन् ।
