सप्तरीको रुपनी गाउँपालिकामा निर्माण सामाग्री खरिद तथा विभिन्न शिर्षकमा लाखौं अनियमितता भएको खुलासा भएको छ त्यस्तै ऎन नियमावलीको प्रावधान विपरीत विभिन्न कर्मचारीलाई अमानतबाट कार्य गराई १२ लाख रुपियाँ बराबरको अनियमितता गरेको हो।
गाउँपालिकाले निर्माण सामाग्री खरिद सहित विभिन्न शिर्षकमा गरी ११ लाख ९९ हजार ४ सय १८ रुपियाँ अनियमितता गरेको महालेखा परिक्षकको प्रतिबेदन २०७९ ०८० ले ठहर गरेको हो ।
महालेखा प्रतिबेदन अनुसार कार्यालय सहयोगी उपेन्द्र प्रसाद यादवले ४५ हजार ५ सय ९० र २६ हजार ९ सय ९२ गरी ७२ हजार ५ सय ८२, स्वास्थ्य छैठौं सिअहेव राजनारायण यादवले ८० हजार २ सय ७३, प्राविधिक सरोज कुमार मण्डल खत्वेले ९३ हजार ९ सय ९७, रोजगार संयोजक राजेश्वर प्रसाद यादवले ७० हजार ५ सय २०, फिल्ड सहायक इन्द्रदेवा यादवले ७८ हजार ३ सय २७ रुपियाँ विभिन्न मर्मत सम्भारको नाउँमा अनियमितता गरेका छन् ।
यसैगरी कानुनी प्रावधान सम्बन्धि तालीमको नाउँमा अमिन कृष्ण कुमार इसरले १ लाख, भेटेनरी पशु सम्बन्धि औषधि खरिद शिर्षकमा ओभिओटी प्राविधिक सुन्दर कुमार सरदारले ९९ हजार ९ सय ८५, भैपरी खर्च वडा नम्बर २ का सचिब श्रवण कुमार साहले ५९ हजार १ सय ३४, मुर्तिघर सरसफाइ तथा साँस्कृतिक कार्यक्रम वडा नम्बर ४ का सचिब विरेन्द्र मेहताले १ लाख, ज्येष्ठ नागरिक सम्मान कार्यक्रम वडा नम्बर ५ का सचिब राम ओतार यादवले १ लाख र स्वास्थ्य चौकी बसविट्टी भवन वायरिङ्ग काममा रु ५० हजार गरी १ लाख ५० हजार, स्वास्थ्य चौकी भवनमा रंगरोगन वडा नम्बर ५ का कास सुशील कुमार यादवले ९७ हजार ६ सय, ज्येष्ठ नागरिक सम्मान कार्यक्रम वडा नम्बर ६ का तत्कालीन सचिब मनोज कुमार साहले १ लाख र वडा नम्बर ६ अन्तर्गत विधुत पोलहरुमा विधुत जडान सामाजिक परिचालक अमृत लाल चौधरीले ९७ हजार रुपियाँ अमानतबाट कार्य गरी अनियमित खर्च गरेको महालेखाले ठहर गरेको हो।
