हाल मनसुनको न्यून चापीय रेखा सरदर स्थानको आसापस अवस्थित रहदा देशभर मनसुनी वायुको प्रभावसँगै पश्चिम बङ्गाल र आसपास रहेको न्यूनचापीय प्रणालीको आंशिक प्रभाव रहेको जल तथा मौसम विज्ञान विभागले जनाएको छ ।
विभागका अनुसार आज दिउँसो देशभर आंशिक देखि साधारणतया बदली रही कोशी, मधेस, बागमती र गण्डकी प्रदेशका केही स्थानमा भने मेघगर्जन र चट्याङसहित हल्कादेखि मध्यम वर्षाको सम्भावना रहेको छ भने कोशी, बागमती र गण्डकी प्रदेशका एक दुई स्थानमा भारी वर्षाको सम्भावना रहि कोशी प्रदेशका तराई क्षेत्रका केही स्थानमा हावाहुरी चल्ने सम्भावना समेत रहेको विभागले जनाएको हो ।
आज राति देशभर आंशिकदेखि साधारणतया बदली रहने र कोशी, बागमती र गण्डकी प्रदेश एक दुई स्थानमा मेघगर्जन र चट्याङसहित हल्कादेखि मध्यम वर्षाको सम्भावना रहि कोशी प्रदेशका एक दुई स्थानमा भारी वर्षाको सम्भावना रहेकाले ती स्थानका सर्वसा धारणलाई सतर्क रहन विभागले अनुरोध समेत गरेका छन ।
