अहिले इन्टरनेटको जमानामा फरक फरक तरिकाबाट ठगी हुने गरेको छ । सोहि क्रममा ह्वाट्सएपमा प्रहरी महानिरीक्षक बसन्तबहादुर कुँवरको तस्बिर राखेर पैसा असुल्ने तीन जनालाइ प्रहरीले पक्राउ गरेको छ । सप्तरीको राजविराज नगरपालिकाका एक व्यक्तिलाई ं ह्वाट्सएप आईडीबाट फोन गरी सो समूहले ‘ उनको छोराको अपहरण गरेको भन्दै रकम मागेका थिए । रकम नपठाए छोरालाई मारिदिने धम्की दिएपछि विभिन्न बैंकको फरक खातामा १२ लाख ८० हजार रुपैयाँ जम्मा गराएका थिए । जम्मा गरिएको सो रकम धम्की दिने समूहले उठाएका थिए । यो घटनाको अनुसन्धानमा जुटेको प्रहरीले तीन जनालाई आइतबार नियन्त्रणमा लिएको हो । मधेश प्रदेश प्रहरी कार्यालयका अनुसार पक्राउ गरिएकाहरूमा झापाको मेचीनगर ६ का सविन मैनाली, वडा नम्बर १० का शुभम मैनाली र सुनसरीको धरान ३ का आशिका बराइली रहेका छन् ।उनीहरूलाइ ठगी मुद्दामा ७ दिनको म्याद थप गरि अनुसन्धान भइरहेको प्रहरीले जनाएको छ ।
