सुडानी अर्ध सैनिकहरूले देशको डार्फर क्षेत्रमा विस्थापितहरूको शिविरमा गोलीबारी गर्दा कम्तिमा २० जनाको मृत्यु भएको एक स्थानीय समितिले बताएको छ ।अल–फाशरको स्थानीय समितिका अनुसार अहिलेसम्म अबु शौक विस्थापन शिविरका बासिन्दाहरूको हताहतको बारेमा प्राप्त गरेको जानकारीमा कम्तीमा २० जना मारिएका र ३२ जना घाइते भएका छन् ।
अल–फाशरलाई अर्धसैनिक र्यापिड सपोर्ट फोर्स आरएस एफ ले डार्फर सहरलाई आफ्नो नियन्त्रणबाट बाहिर निकाल्ने प्रयासमा मे महिनादेखि घेरेको हो ।अल–फशर समिति तल्लो तहको नेटवर्कको हिस्सा रहेको बताइएको छ । अल–फशर समितिले गत वर्ष सेना र आरएस एफबीच युद्ध सुरु भएदेखि प्रजातन्त्र समर्थक विरोध प्रदर्शनहरू आयोजना गर्न समन्वय गरेको हो ।
सुडानमा द्वन्द्व सन् २०२३ मा सुरु भए येता दश हजार भन्दा बढिले ज्यान गुमाइसकेका र लाखौँ व्यक्ति विस्थापित भएका छन् । यसले विश्वको सबैभन्दा खराब मानवीय सङ्कटको सामना गरेको हो । सुडानको धेरै क्षेत्रका नागरिकले भोकमरीको सामना गर्नु परिरहेको संयुक्त राष्ट्रसङ्घले बताएका छन ।
