साउदी प्रो लिगमा साविक विजेता अल हिलालले लगातार दोस्रो जित हासिल गरेको छ। बुधबार राति भएको खेलमा हिलालले दमक एफसी माथि ३–२ को जित हासिल गरेको हो।
एलेक्जान्डर मिट्रोभिकले निर्णायक गोल गर्दै अल हिलालको जित दिलाएका हुन्। हिलालको दुई खेलबाट ६ अंक बटुलेको छ भने दुबै खेल हारेको दमक १५औं स्थानमा पुगेको हो ।
मिट्रोभिकले पहिलो हाफको इन्जुरी समयमा गोल गर्दै अग्रता बनाएका थिए तर, ४९औं मिनेटमा दमकका फ्रान्कोइ कोमानोले गोल गर्दै बराबरी गरे त्यसपश्चात हाबिब डिअलोले ५१औं मिनेटमा गोल गरेपछि खेलमा दमकले अग्रता बनाएको थियो ।
मोहम्मद अल जुवारीले ७३औं मिनेटमा गोल गरेपछि खेल २ को बराबरी हुनपुगेको हो । मिट्रोभिकले खेल सकिन ६ मिनेट अघि गोल गर्दै हिलालको जितशुनिश्चित गरेका हुन।
