सप्तरीमा बुधबार विहान भर्याङबाट लडेर एक सहायक प्रहरी हवलदारको मृत्यु भएको छ । सर्लाही बलरा नगरपालिका १० सिंह टोल घर भई ईलाका प्रहरी कार्यालय बोदे बरसाईनमा कार्यरत बर्ष ३३ को सहायक प्रहरी हवल्दार कृष्ण मोहन सिंहको भर्याङबाट लडेर मृत्यु भएको हो । राति १० बजे डियुटी सकेर आफ्नो कोठामा सुतेका सिंह अचानक बुधबार विहान ३ः४० मा भर्याङबाट लडेर तल झरेको इलाका प्रहरी कार्यालय बोदेबर्साईनले जनाएको छ । डियुटीमा रहेका सेन्ट्रीले आवज सुनेपछि तत्कालै स्थानीय जीवन ज्योति हस्पिटल प्रा।लि।मा उपचारका लागि भर्ना गरिएकोमा त्यहाँ उपचार सम्भव नभएपछि तत्कालै छिन्नमस्ता हस्पिटल राजविराज पठाएकोमा हस्पिटलले मृत घोषणा गरेको प्रहरीले जनाएको छ । प्रहरी चौकी बिसनपुर सप्तरीमा दरबन्दी भइ सिंह इलाका प्रहरी कार्यालय बोदेबर्साइनमा कार्यरत थिए । मृतक सहायक प्रहरी हवलदारको शव राजविराज स्थित गजेन्द्रनारायण सिंह अस्पतालमा रहेको तथा आफन्त आएपछि पोस्टमार्टम गराएर जिम्मा लगाउने सप्तरीका प्रहरी प्रबक्ता प्रहरी नायव उपरीक्षक ढुण्डीराज नेउपानेले बताएका छन । घटना बारे थप अनुसन्धान भई रहेको उनले जानकारी दिएका छन ।
