नेपालले विश्वकप क्रिकेट लिग २ मा बुधबार ओमानको सामना गर्दै छ तर, नेपाल ढुक्क हुने स्थितिमा भने रहेको छैन । नेपालले पछिल्लो समय विश्वासिलो प्रदर्शन देखाउन सकिरहेको छैन ।
सोमबार राति घरेलु टोली क्यानडासँगको खेल नै त्यसको गतिलो उदाहरण बन्नपुगेको थियो ।टोरन्टोको किङ सिटी स्थित म्यापल लिफ नर्थ वेस्ट मैदानमा क्यानडाले नेपाललाई १ सय ३ रनले पराजित गरेको हो ।
लिग २ को दोस्रो शृंखलाको पहिलो खेलमा नेपालले आत्म समर्पण नै गर्नुपर्दा नेपालले ५ खेलमा ४ हार बेहोरि सकेको छ । त्यसमध्ये तीन हार त फेब्रुअरीमा घरेलु मैदानमै थियो ।
