जर्मनीले यूईएफए नेसन्स लिगअन्तर्गत लिग ए को समूह तीनमा रहेको हंगेरीलाई ५ ० को फराकिलो अन्तरले पराजित गरेको छ ।
घरेलु मैदान मर्कुर स्पाइल एरेनामा पहिलो हाफमा एक गोल गरेको जर्मनीले दोस्रो हाफमा चार गोल थपेको थियो ।
जर्मनीका लागि निकलस फुल कर्गले २७औं मिनेटमा गोल गर्दै अग्रता दिलाएका थिए । त्यसपछि जुमल मुसिएलाले ५७ औं, फ्लोरिन रिट्ज ले ६६औं, पाब्लो भिकले ७७ औं र हाभार्ट्सले ८१औं मिनेटमा गोल गरेका हुन ।
जमल मुसिएलाले हाभार्ट्जले गरेको पेनाल्टी गोल बाहेक तीन गोलका लागि असिस्ट समेत गरेका थिए । जितपछि समूह तीनमा जर्मनी र नेदरल्याण्ड्सले समान ३ अंक जोडेका छन् ।
