सप्तरीमा पोखरीमा डुबेर आज सोमवार एक जना बालकको ज्यान गएको छ । कञ्चनरुप नगरपालिका–८ भगवती मन्दिरमा रहेको पोखरीमा डुबेर वडा नम्बर ९ का विक्रम रामको सात वर्षीय छोरा विशालको ज्यान गएको जिल्ला प्रहरी कार्यालय सप्तरीले जनाएको छ ।
खेल्ने क्रममा विशाल राम पोखरीमा खसेका आफन्तले बताएका छन् । मृतक बालक भगवती राष्ट्रिय प्राथमिक विद्यालयको कक्षा २ मा अध्यनरत थिए । मृतक बालकको शोकमा आज विद्यालयमा बिदा दिएको प्रधानाध्यापक रिना भट्टराई आचार्यले बताउनुभयो ।
