जल तथा मौसम विज्ञान विभाग, मौसम पूर्वानुमान महाशाखाका अनुसार आज दिनभर कोशी, मधेस, बागमती र गण्डकी प्रदेशका केही तथा बाँकी प्रदेशका थोरै स्थानमा मेघगर्ज र चट्याङ्गसहित हल्कादेखि मध्यम वर्षाको सम्भावना रहि यी प्रदेशका एक दुई स्थानमा भारी वर्षाको समेत सम्भावना रहेको छ ।
विभागका अनुसार आज राति देशभर आंशिकदेखि साधारणतया बदली रहदा कोशी र गण्डकी प्रदेशका केही तथा बाँकी प्रदेशका थोरै स्थानमा मेघ गर्जन र चट्याङ्गसहित हल्कादेखि मध्यम वर्षाको सम्भावना रहि कोशी र गण्डकी प्रदेशका एक दुई स्थानमा भारी वर्षाको समेत सम्भावना छ भने कोशी प्रदेशको तराई भागको थोरै स्थानमा हावाहुरीको पनि सम्भावना रहेको हो ।
