देशभर मनसुनी वायुको प्रभावसँगै भारतको उत्तरपूर्वी मध्य प्रदेश र दक्षिण उत्तर प्रदेश आसपास रहेको न्यून चापिय प्रणालीको आंशिक प्रभाव रहेकाले वर्षाको सम्भावना कायमै रहेको जल तथा मौसम विज्ञान विभाग मौसम पूर्वानुमान महाशाखाले जनाएको हो ।
मनसुनको न्यून चापिय रेखाको पश्चिमतिर सरदर स्थानको उत्तर तर्फ र पूर्वतिर सरदर स्थानको दक्षिण तिर अवस्थित रहेको कारण देशको पहाडी भागमा आंशिकदेखि साधारणतया बदली र बाँकी भागमा आंशिक बदलीदेखि मुख्यतया मौसम सफा रहने महाशाखाले पूर्वानुमान गरेको छ ।
मौसम विज्ञान विभाग मौसम पूर्वानुमान महाशाखाका अनुसार रातिको समयमा कोशी र बागमती प्रदेश लगायत देशको पहाडी भागमा आंशिक बदलीदेखि मुख्यतया सफा रही कोशी र बागमती प्रदेशका पहाडी भागका एक–दुई स्थानमा हल्कादेखि मध्यवर्षाको सम्भावना रहेको हो ।
